Фота Аўдыё Відэа  
be  ru  pl  en  de info@catholic.by
Святы Пасад: вайна ў Сірыі — сведчанне краху міжнароднай палітыкі
Дзяржава Ватыкан
15.03.2017 16:26

Арцыбіскуп Іван Юркавіч, які прадстаўляе голас Святога Пасаду ў Аддзяленні ААН у Жэневе, выступіў з прамовай пра Сірыю. Іерарх падкрэсліў, што шасцігадовы канфлікт — не што іншае, як «бессэнсоўная разня».

Звяртаючыся да ўдзельнікаў 34-й сесіі Рады ААН па правах чалавека, арцыбіскуп Юркавіч адзначыў катастрафічную сітуацыю ў Сірыі, дзе насілле прывяло да смерці і раненняў соцень тысяч чалавек, да разбурэння інфраструктур, дамоў і школ, бальніц і культавых будынкаў. Разбураны цэлыя гарады, насельніцтва пакутуе ад голаду і недахопу медыцынскай дапамогі.

«Святы Пасад, — заявіў ватыканскі прэлат, — заклікае міжнароднае згуртаванне паглядзець на сітуацыю з пункту гледжання ахвяраў. Шэсць гадоў бессэнсоўнай разні яшчэ раз паказваюць, наколькі ілюзорнае і марнае ваеннае вырашэнне спрэчак».

Адзіным выйсцем іерарх назваў дыялог на ўсіх узроўнях і пры гэтым падкрэсліў, што для Сірыі «не існуе ніякага ваеннага рашэння». Нельга падпарадкоўвацца логіцы насілля, якое спараджае чарговае насілле, падкрэсліў прадстаўнік Ватыкана. Самую жорсткую цану, як адзначыў іерарх, за ўсё гэта плацяць дзеці, многія з якіх «не ведаюць іншага жыцця, акрамя вайны», якія нараджаюцца пад бомбамі і паддаюцца велізарнаму псіхалагічнаму ціску.

Святы Пасад ізноў заклікае міжнароднае згуртаванне зрабіць усё дзеля «міру, прабачэння і прымірэння». Шасцігадовы канфлікт — гэта сведчанне краху міжнароднай палітыкі ў яе цэлым, бо сітуацыя ў Сірыі — гэта «наша агульная адказнасць, адказнасць сям’і нацый».

Арцыбіскуп Юркавіч заклікаў абараняць сірыйскі народ незалежна ад рэлігійнай і нацыянальнай прыналежнасці, бо ўсе грамадзяне Сірыі імкнуцца да справядлівасці і міру, неабходных для цэласнага чалавечага развіцця.

Паводле sib-catholic.ru
(VGr)

 

Пры выкарыстанні матэрыялаў сайта спасылка на Catholic.By абавязкова.

Дзяржава Ватыкан

24.05 09:12Папа Францішак на адкрыцці асамблеі епіскапату Італіі: будзьце максімальна шчырымі і адкрытымі на дыялог
18.05 17:09Ватыканскаму мастацтвазнаўцу ўручаць беларускі ордэн
18.05 14:45Папа Францішак і біскупы COMECE: Еўропе пагражае распад і экстрэмізм
12.05 11:02У Ватыкане выпусцяць манету ў гадавіну смерці святых Пятра і Паўла
27.04 11:28Ватыкан: кардыналу Ёзафу Ратцынгеру пагражалі смерцю пасля яго крытыкі тэалогіі вызвалення
20.04 11:30Арцыбіскуп Палья: у адгартацыі Amoris laetitia адчуваецца сімпатыя да сем’яў і вялікая надзея
11.04 15:05Прэфект Кангрэгацыі Веравучэння пракаментаваў «пытанне Меджугор'я»
05.04 16:14Кардынал Рабер Сара: «Людзі бяздумна давяраюць фінансам і медыя кіраваць сабой»
05.04 15:55Кангрэгацыя Веравучэння скіравала пасланне аб сужэнстве асоб, звязаных з лефебрыстамі
29.03 14:55Ватыканскі дыпламат: трэба вучыцца супрацьстаяць маніпуляванню рэлігіяй
  • 25.05.2017
  • 24.05.2017
  • 23.05.2017
  • 22.05.2017
  • 21.05.2017