Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа і ватыканскія іерархі разважаюць падчас велікапосных рэкалекцый над жыццём прарока Іллі
Дзяржава Ватыкан
26.02.2015 15:41

Папа Францішак і супрацоўнікі Рымскай курыі працягваюць удзел у велікапосных практыкаваннях, якія праходзяць у невялікім італьянскім мястэчку Арыча, у 30 км ад Рыма.

Як паведамляе беларуская рэдакцыя Ватыканскага радыё, 25 лютага айцец рэкалекцыяніст Бруно Сэкандзін запрасіў паразважаць над жыццём прарока Іллі, у той момант, калі апошні меў «гіпертрафіраванае я» і лічыў сябе «пупом зямлі».

Бог жадаў яго перамянення і ствараў умовы — нават складаныя сітуацыі — каб той, нарэшце, апынуўся ў цішыні, зазірнуў у глыбіню сваёй душы, «даў голас неспакою, які насіў унутры».

Італьянскі кармэліт заклікаў удзельнікаў рэкалекцый да разважання аб сваіх жыццёвых сітуацыях і аб адносінах з Богам.


Перад абліччам цяжкасцяў Ілля нават хацеў памерці на гары Сінай, дзе быў заключаны запавет ізраільскага народа з Богам, нагадаў святар. Але задума Бога была іншай — Ён вырашыў пачаць новы этап у жыцці прарока. Калі мы, як Ілля, «расчараваныя, стомленыя, лічым сябе лепшымі за іншых або думаем, што свет напоўнены толькі атакуючымі злымі духамі», варта дазволіць Богу здзівіць нас і пачаць новы шлях, заклікаў рэкалекцыяніст.

(IL)

 

Пры выкарыстанні матэрыялаў сайта спасылка на Catholic.By абавязкова.