Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
«Бог не хацеў, каб чалавек ведаў пра зло»: рэкалекцыйны курс на тэму духоўнай барацьбы прайшоў у Оршы
Беларусь - Віцебская дыяцэзія
10.05.2017 12:23

У сучасным грамадстве існуе «нездаровы інтарэс да тэмаў пра сатану». На гэта ўказаў экзарцыст Віцебскай дыяцэзіі кс. Аляксандр Жарнасек МІС падчас рэкалекцыйнага курса «Давід» на тэму духоўнай барацьбы з ворагам Божага Валадарства. Рэкалекцыі праходзілі 7–9 мая пры парафіі Св. Юзафа ў Оршы.

Рэкалекцыяніст падкрэсліў, што ў Бібліі пра сатану гаворыцца вельмі рэдка, бо Святое Пісанне сканцэнтравана зусім на іншых тэмах. Ва ўсім Старым Запавеце, напрыклад, ёсць толькі тры тэксты пра сатану (у іх шэраг не ўваходзіць тэкст пра спакушэнне першых людзей у раі).

Імкненне чалавека больш даведацца пра сатану, як правіла, адцягвае яго ўвагу ад Бога, ад пазнання Божага, ад чытання Бібліі. «Тэма вельмі далікатная. Бог не хацеў, каб чалавек ведаў пра зло», — сцвердзіў кс. Жарнасек, заклікаючы ўзгадаць пра дрэва пазнання дабра і зла.

Рэкалекцыйны курс быў найперш накіраваны на пазнанне сябе. Як падкрэсліў святар, часта праблема не ў дэманах і злых сілах, а ў чалавечай прыродзе: стомленасць, праблемы са здароўем, незбалансаванае харчаванне, ігнараванне спорту, сацыяльныя ўмовы, асаблівыя перажыванні (нараджэнне дзіцяці, смерць блізкага чалавека). Важна таксама пазнаць сваю маральную сферу і свае глыбокія жаданні.

Пазнаўшы сябе, перш чым распачынаць духоўную барацьбу, трэба ўсвядоміць важную рэч: без Божага Сына мы — ніхто ў гэтай барацьбе. Калі ў нашым сэрцы няма Божага Валадарства або калі яно не ўзрастае ў нашым сэрцы, духоўная барацьба не будзе мець поспеху.

Стратэгія ворага — падмануць! — тлумачыцца сутнасцю сатаны: ён хітры, зайзросны, пахатлівы, ён паклёпнік, спакуснік, ілгун і айцец няпраўды, гэта ён супакойвае нашае сэрца, калі мы недаацэньваем грэх.

Рэкалецыйны курс «Давід» на тэму духоўнай барацьбы будзе паўтарацца.

Валянціна Грамыка
Фота Веранікі Скрабатун

 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў