Выдавецтва Беларускага Экзархату па благаслаўленні Мітрапаліта Мінскага і Слуцкага Філарэта плануе факсімільнае аднаўленне некаторых старажытных пісьмовых помнікаў: «Полацкага Евангелля» (XII ст.), «Супраслеўскіх Ірмалогій», «Лаўрышэўскага Евангелля» (XII–XIII стст.).

«Такім чынам гэту скарбніцу, гэтыя каралі вялікіх духоўных помнікаў у факсімільным выглядзе мяркуецца вярнуць на радзіму, даць доступ навуковай грамадскасці, якая цікавіцца, распрацоўвае гэтыя пытанні, шматлікім энтузіястам і людзям, якія любяць і цікавяцца гісторыяй», — адзначыў Уладзімір Грозаў.Дырэктар выдавецтва патнфармаваў, што факсімільныя выданні будуць прадстаўлены і ў электроннай версіі,  таму што «бясцэнныя скарбы, якія раскіданы па ўсім свеце, належаць нашаму народу, павінны служыць нашаму народу, духоўнаму аднаўленню нацыі».

Факсімільнае выданне «Полацкага Евангелля» плануецца здзейсніць да святкавання 1150-годдзя Полацка, якое горад адзначыць у 2012 г.