Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Біскуп Юрый Касабуцкі падзяліўся аплаткай з беларускімі чыгуначнікамі і авіятарамі
Беларусь - Мінска-Магілёўская архідыяцэзія
20.01.2015 14:12

Аплатковая сустрэча беларускіх чыгуначнікаў і авіятараў з удзелам дапаможнага біскупа Мінска-Магілёўскай архідыяцэзіі Юрыя Касабуцкага прайшла 18 студзеня ў парафіі Найсвяцейшай Панны Марыі Успамогі Хрысціянаў і св. Айца Піо ў Сокале.

У сустрэчы прынялі ўдзел госці з Польшчы, чыгуначнікі і авіятары з розных частак Беларусі: Мінска, Гатава, Маладзечна, Лучая, Гродна, Ваўкавыска, Парэчча, Свіслачы.

У гаміліі падчас святой Імшы біскуп Юрый Касабуцкі звярнуў увагу на важнасць прысутнасці Езуса ў сэрцы чалавека.

«Калі машыністам лакаматыва нашага жыцця будзе Езус, то мы справімся з любой справай», — падбадзёрыў прысутных іерарх.

Адказнымі за душпастырства чыгуначнікаў і авіятараў у Беларусі сёння з’яўляюцца а. Станіслаў Станеўскі і а. Віктар Бохан. Чакаецца, што неўзабаве душпастырамі чыганачнікаў і авіятараў стануць яшчэ два святары.

Наступная сустрэча душпастырства пройдзе ў парафіі Найсвяцейшага Адкупіцеля ў Гродне (Дзевятоўка) на Вялікдзень.

Ілья Лапато

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.