28 верасня ў мінскім араторыі імя св. Яна Боско адбылося свята для дзяцей, прысвечанае пачатку навучальнага і аратарыйнага года. Спачатку арганізатары сустрэчы запрасілі дзяцей і іх бацькоў на святую Імшу, на якой усе разам разважалі над Божым словам, дзякавалі Богу за атрыманыя дары і прасілі аб патрэбных ласках для сваіх сем’яў.

Пасля праз гульні, малітву і салодкі стол аніматары і іх памочнікі разам з кс. Паўлам і с. Люцыяй дапамаглі дзецям больш пазнаёміцца з Хрыстом.

Араторый св. Яна Боско ў Мінску будзе адчынены для дзяцей 1–5 класаў кожную нядзелю з 11.00 — адразу пасля Імшы для дзяцей на 10.00.

Падчас араторыя дзецьмі апякуюцца с. Люцыя Бальцэвіч, аніматары і памочнікі аніматараў.

Паводле sdb.by

(AG)