Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Напрыканцы візіту на Мальту Мітрапаліт Тадэвуш Кандрусевіч сустрэўся з сем'ямі мігрантаў
Беларусь - Мінска-Магілёўская архідыяцэзія
23.07.2014 11:14

У межах візіту на Мальту 21 ліпеня Мітрапаліт Мінска-Магілёўскай Архідыяцэзіі Тадэвуш Кандрусевіч наведаў некалькі касцёлаў на востраве Гоза на Мальце, меў сяброўскую сустрэчу з біскупам дыяцэзіі Гоза Марыё Грэч, а таксама сустрэўся з сем'ямі мігрантаў.

Іерархі падзяліліся сітуацыяй Касцёла ў іх краінах і найважнейшымі праблемамі, якія стаяць перад хрысціянствам. Асаблівая ўвага была прысвечана крызісу сям’і і Сіноду біскупаў на гэту тэму. Біскуп Марыё Грэч выказаў жаданне прыехаць у Беларусь. Разглядаецца магчымасць візіту ў нашу краіну ў наступным годзе.

Вечарам Мітрапаліт Тадэвуш Кандрусевіч у касцёле св. Маргарыты з Антыёхіі цэлебраваў святую Імшу для мігрантаў. Падчас Імшы быў удзелены сакрамэнт хросту для дзіцяці мігрантаў. Двое дзяцей мігрантаў прынялі першую Святую Камунію.

 

У гаміліі біскуп распавёў аб тым, што міграцыя з’яўляецца адным з найбольш актуальных выклікаў сучаснасці і Каталіцкі Касцёл не стаіць з боку ад гэтай праблемы, але прымае актыўны ўдзел у яе вырашэнні. Мігранты патрабуюць як матэрыяльнай, так і духоўнай дапамогі, а Касцёл павінен ім гэта забяспечыць.

Мігранты таксама могуць адыграць вялікую ролю ў працэсе новай евангелізацыі праз евангельскае сведчанне ў сэкулярызаваных грамадствах.

Пасля Імшы адбылася сустрэча Мітрапаліта Тадэвуша Кандрусевіча з мігрантамі і іх сем’ямі.

22 ліпеня па дарозе ў аэрапорт у горад Рабат іерарх наведаў грот св. Апостала Паўла і там памаліўся.

На гэтым візіт арцыбіскупа Тадэвуша Кандрусевіча на Мальту завяршыўся.


(KNR)

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.