Фота Аўдыё Відэа  
be  ru  pl  en  de info@catholic.by
Мітрапаліт Кандрусевіч прыняў удзел у адкрыцці выставы ў памяць ахвяраў лагера смерці ў Трасцянцы
Іерархі
14.03.2017 12:24

13 сакавіка арцыбіскуп Тадэвуш Кандрусевіч, Мітрапаліт Мінска-Магілёўскі, прыняў удзел у мерапрыемствах, звязаных з адкрыццём выставы, прысвечанай памяці ахвяраў лагера смерці ў Трасцянцы.

Адкрыццю выставы папярэднічала малітва перад урнай з парэшткамі ахвяр Трасцянца ў крыпце праваслаўнай Усіхсвяцкай царквы, якая знаходзіцца на аднайменнай вуліцы ў Мінску.  Апрача арцыбіскупа Тадэвуша, у малітве прынялі ўдзел Мітрапаліт Мінскі і Заслаўскі Павел, пратаіерэй Фёдар Поўны, прафесар Манфрэд Цабел і галоўны рабін абшчыны прагрэсіўнага іўдаізму Рыгор Абрамовіч, а таксама запрошаныя госці.

У 18.00 у Беларускім дзяржаўным музеі гісторыі Вялікай Айчыннай вайны адбылося афіцыйнае адкрыццё выставы «Лагер смерці Трасцянец. Гісторыя і памяць». З прывітальнымі словамі да прысутных, між іншым, звярнуліся Алег Краўчанка, намеснік міністра замежных спраў Рэспублікі Беларусь, а таксама Міхаэль Рот, дзяржаўны міністр па справах Еўропы Федэральнага міністэрства замежных спраў Германіі. На мерапрыемстве прыстунічалі людзі, якія перажылі нацысцкія лагеры смерці.

Выстава будзе працаваць з 14 сакавіка па 16 красавіка ў музеі гісторыі Вялікай Айчыннай вайны.

У перыяд з 1942 па 1944 гг. у наваколлі вёскі Малы Трасцянец, уключанай сёння ў межы Мінска, знаходзіўся самы вялікі нацысцкі лагер смерці на тэрыторыі былога Савецкага Саюза. Колькасць яго ахвяр не меншая за 200 тысяч чалавек.

Кс. Кірыл Бардонаў
Фота аўтара

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Іерархі

24.06 20:47Беларуская дэлегацыя прыняла ўдзел у біскупскім пасвячэнні кс. Віталія Крывіцкага SDB
19.06 09:58Фотафакт. Апостальскі Нунцый Габар Пінтэр наведаў парафію ў Асіповічах
16.06 11:43Мітрапаліт Кандрусевіч прыняў удзел у міжнародным форуме на тэму барацьбы з карупцыяй
12.06 12:30Паведамленне біскупа Пінскага Антонія Дзям’янкі з нагоды святкавання 400-годдзя асвячэння касцёла ў Ружанах
12.06 08:55Заклік біскупа Аляксандра Яшэўскага да вернікаў Магілёўскага рэгіёна да ўдзелу ў працэсіі Божага Цела
10.06 00:04Адкрыты ліст Мітрапаліта Тадэвуша Кандрусевіча лаўрэату Нобелеўскай прэміі спадарыні Святлане Алексіевіч
24.05 12:27Мітрапаліт Кандрусевіч прымае ўдзел у пасяджэнні італьянскага епіскапату
16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію
16.05 12:13На завяршэнне сімпозіума ў Жодзіне Мітрапаліт Кандрусевіч выступіў з дакладам пра тэалогію фацімскіх аб’яўленняў
03.05 06:19Пастырскае пасланне арцыбіскупа Тадэвуша Кандрусевіча на Дзень малітваў аб пакліканнях