Фота Аўдыё Відэа  
be  ru  pl  en  de info@catholic.by
Арцыбіскуп Тадэвуш Кандрусевіч сустрэўся з Папам у другі дзень пасяджэння Папскай рады «Iustitia et pax» (абноўлена)
Іерархі
02.10.2014 15:44

2 кастрычніка Папа Францішак прыняў на аўдыенцыі ўдзельнікаў пленарнага пасяджэння Папскай рады «Iustitia et pax», якое праходзіць у Рыме з 1 па 3 кастрычніка.

Пасяджэнне прысвечана пятай гадавіне выдання энцыклікі Бэнэдыкта XVI «Caritas in veritate». Пантыфік нагадаў пра актуальнасць гэтага «фундаментальнага для евангелізацыі сацыяльнай сферы» дакумента, які дае каштоўныя ўказанні для прысутнасці католікаў у грамадстве, эканоміцы і палітыцы.

Як паведамляе Ватыканскае радыё, прынцып любові ў праўдзе, па словах Папы, мае «крайнюю актуальнасць» у нашы дні.

«Любоў, напоўненая праўдай, дапамагае перамагчы небяспечны фанатызм, барацьбу за валоданне рэсурсамі, вымушаную міграцыю, голад і беднасць, гандаль людзьмі, несправядлівасць, сацыяльную і эканамічную няроўнасці, дысбаланс у доступе да калектыўных дабротаў», — сказаў Папа Францішак.

Пантыфік нагадаў удзельнікам пленарнага пасяджэння аб тым, што Апостальская адгартацыя «Evangelii gaudium» прадстаўляе канкрэтныя прапановы па вырашэнні праблем беднасці — пашырэнне адукацыі, забеспячэнне працай і санітарнай дапамогай. Сваё выступленне Святы Айцец завяршыў думкай, што Касцёл, які пілігрымуе, заўсёды шукае новыя шляхі для абвяшчэння Евангелля, адным з якіх з'яўляецца сацыяльнае вучэнне.   

 

У сустрэчы з Пантыфікам прыняў удзел і Мітрапаліт Мінска-Магілёўскі арцыбіскуп Тадэвуш Кандрусевіч. Падчас асабістай сустрэчы іерарх падзякаваў Святому Айцу за яго навучанне і клопат аб Касцёле ў Беларусі.

«Я падышоў да Папы і падзякаваў за яго словы, за тое, што сваім навучаннем ён дае надзею сучаснаму свету, асабліва тым, хто знаходзіцца ў бядзе, а таксама за яго клопат аб Касцёле ў Беларусі. Папа сказаў, што ў сваіх думках ён заўсёды памятае аб Беларусі і моліцца за яе», — распавёў арцыбіскуп Кандрусевіч.

Пленарнае пасяджэнне Папскай рады «Iustitia et pax» завершыцца 3 кастрычніка.

(JLS)

 

Пры выкарыстанні матэрыялаў сайта спасылка на Catholic.By абавязкова.

Іерархі

17.09 15:26Мітрапаліт Тадэвуш Кандрусевіч атрымаў ганаровую грамату ад Сусветнага саюза прагрэсіўнага іўдаізму
17.09 14:57Біскуп Аляксандр Кашкевіч прывітаў арганізатараў і ўдзельнікаў турніру па міні-футболе памяці св. Яна Паўла ІІ
14.09 18:19Мітрапаліт Кандрусевіч да літоўскіх душпастыраў: «Шляхам святарства трэба ісці да канца»
12.09 18:12Пастырскі ліст біскупа Гродзенскага Аляксандра Кашкевіча на новы навучальны і катэхетычны 2016–2017 год
09.09 21:39Біскуп Антоні Дзям’янка прыняў удзел у канферэнцыі кананістаў у Польшчы
09.09 14:02Мітрапаліт Кандрусевіч прыняў удзел у сустрэчы кіраўнікоў епіскапатаў Цэнтральнай і Усходняй Еўропы
08.09 10:19Пастырскае пасланне Мітрапаліта Тадэвуша Кандрусевіча на новы катэхетычны 2016/2017 год
30.08 17:22Пастырскі ліст біскупа Пінскага Антонія Дзям’янкі на пачатак катэхетычнага года 2016/2017
28.08 19:04Арцыбіскуп Тадэвуш Кандрусевіч наведаў касцёл у Мышынцы (Польшча)
26.08 15:07Мітрапаліт Тадэвуш Кандрусевіч на адкрыццё канферэнцыі, прысвечанай Эдварду Вайніловічу: «У ім дамінаваў погляд, поўны любові да людзей іншых веравызнанняў»