Паважаныя дыяцэзіяне!
Дарагія вернікі! Браты і сёстры ў Хрысце Пану!
З нагоды Года малітвы ў Каталіцкім Касцёле ў Беларусі і ў сувязі з ружанцовым месяцам, заклікаю, каб 18 і 19 кастрычніка была ўрачыста праведзена Малітоўная сустрэча з нагоды ўшанавання св. Ружанца.
Запрашаю да ўдзелу ў гэтай сустрэчы ўсіх вернікаў Гродзенскай дыяцэзіі, а асаблівым чынам членаў жывога Ружанца і прадстаўнікоў парафіяльных ружанцовых колаў разам з пастырамі і адказнымі: 18 кастрычніка — у касцёле Святой Сям'і ў Лідзе ў 10.30 і 19 кастрычніка — у катэдральным касцёле св. Францішка Ксаверыя ў Гродне ў 12.00.
На плённае перажыванне месяца сумеснай малітвы на ружанцы і Малітоўную сустрэчу ад усяго сэрца благаслаўляю
+ Аляксандр Кашкевіч,
Біскуп Гродзенскі
Прашу пробашчаў і адміністратараў Гродзенскай дыяцэзіі зачытаць гэтае распараджэнне і паведамленне 12 кастрычніка ва ўсіх парафіях Гродзенскай дыяцэзіі падчас парафіяльных нядзельных аб'яў.