25 красавіка ў парафіі Св. Тэрэзы ад Езуса (Авільскай) прайшла сустрэча айцоў піяраў, якія нясуць служэнне ў Беларусі, са сваімі бацькамі.
Сустрэча складалася з дзвюх частак. Спачатку піяры і іх бацькі прынялі ўдзел у супольнай св. Імшы, дзе бацькі маглі з’яднацца ў малітве са сваімі сынамі-святарамі.
У другой частцы ўдзельнікі сустрэчы мелі магчымасць лепш пазнаёміцца адно з адным і абмеркаваць агульныя тэмы.
Бацькі ў сваю чаргу маглі паглядзець, як выглядае штодзённае жыццё іх сыноў — піяраў, а таксама даведацца больш пра асобу Юзафа Каласанса, заснавальніка піярскай супольнасці.