Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Падручнік с. Нунэ Цітаян MSF адзначаны на XXIII Мінскай міжнароднай кніжнай выстаўцы-кірмашы
Беларусь
13.02.2016 13:48

Камплект каляровага дапаможніка і сшытка для 6-га класа «Езус Хрыстус — Валадар і Збаўца», аўтарам якога з’яўляецца сястра Нунэ Цітаян MSF з Кангрэгацыі Сясцёр Місіянерак Святой Сям’і, на XXIII Мінскай міжнароднай кніжнай выстаўцы-кірмашы адзначаны ў традыцыйным конкурсе «Мастацтва кнігі-2016».

 фота Міколы Новікава

Тэмы падручніка скіраваны на вывучэнне Новага Запавету і ахопліваюць яго найважнейшыя сюжэты ад звеставання Найсвяцейшай Панне Марыі да мукі і ўваскрасення Езуса Хрыста, заснавання Касцёла і жыцця першых хрысціянскіх супольнасцяў.
Выдавецтва Мінска-Магілёўскай архідыяцэзіі «Pro Christo», у якім кніга пабачыла свет, атрымала дыплом ІІ ступені ў намінацыі «Падручнік новага стагоддзя». 12 лютага ўзнагароду выдавецтву ўручыў рэктар Беларускай дзяржаўнай акадэміі мастацтваў Міхась Баразна.

Супрацоўнік выдавецтва «Pro Christo» Алег Глекаў з дыпломам ІІ ступені,
фота Міколы Новікава

Конкурс «Мастацтва кнігі» традыцыйна вызначае лепшыя кнігі экспанентаў выстаўкі за мінулы год.

Варта адзначыць, што кнігі с. Нунэ Цітаян MSF, выпушчаныя ў выдавецтве Мінска-Магілёўскай архідыяцэзіі «Pro Christo», не ўпершыню атрымліваюць прызнанне арганізатараў кніжнага форуму.

фота Аксаны Ючкавіч

Праграма выстаўкі ўключае ў сябе больш за 200 мерапрыемстваў, сярод якіх прэзентацыі кніжных навінак і сустрэчы з беларускімі і замежнымі аўтарамі.

Завершыцца XXIII Мінская міжнародная кніжная выстаўка-кірмаш 14 лютага ў «Белэкспа» (пр. Пераможцаў, 14). Яе арганізатарамі выступаюць Міністэрства інфармацыі і Мінскі гарадскі выканаўчы камітэт.

(IL)

Рэдакцыя Catholic.by далучаецца да віншаванняў выдавецтва «Pro Christo». Дзякуем за вашу працу і жадаем плёну ў далейшай кнігавыдавецкай дзейнасці!

 

Пры выкарыстанні матэрыялаў сайта спасылка на Catholic.By абавязкова.