Міласэрны Бог клапоціцца пра чалавека і таму дае анёлаў, якія заўсёды прысутнічаюць побач з чалавекам, ахоўваюць яго і дапамагаюць. Анёлы з’яўляюцца «спосабам» прысутнасці Бога ў свеце, Яго маніфестацыяй і Яго голасам. Анёлы яднаюць нябёсы з зямлёю.

Гэтае міжнароднае свята ўстанавіла Генеральная асамблея Сусветнай турыстычнай арганізацыі ў 1979 г. Па традыцыі, на гэты дзень Папская рада пастырства эмігрантаў і падарожнікаў скіроўвае пасланне.

27 верасня жыхары Мадагаскара адзначаюць дзень свайго нябеснага апекуна, а сёстры шарыткі — дзень свайго заснавальніка. Усё гэтыя ўспаміны звязаны з імем св. Вінцэнта дэ Поля, святара.

«Бога шукаюць у кнігах, а знаходзяць у малітве, — пісаў св. айцец Піо з П’етрэльчыны. — Малітва — гэта хлеб і жыццё душы, дыханне сэрца, сустрэча з Богам». 23 верасня Касцёл адзначае ўспамін святога а. Піо, святара, які атрымаў дар стыгматаў, біялакацыі (адначасовага знаходжання ў двух месцах) і асмагенезіі (пах святога), здольнага заглядаць у будучыню і ведаць пра грахі людзей яшчэ да таго, як яны вызнавалі іх падчас споведзі.

З 2002 года 21 верасня адзначаецца Міжнародны дзень міру. Генеральнай асамблеяй ААН ён абвешчаны як дзень адмаўлення ад насілля і спынення агню ва ўсім свеце. Усе краіны заахвочваюць спыніць баявыя дзеянні хаця б у гэты дзень.

8–9 кастрычніка 2011 г. у Друі (Віцебская дыяцэзія) пройдзе чуванне моладзі «Школа малітвы». Аб чым даведаецца моладзь падчас гэтай сустрэчы? Якую карысць атрымае ад яе? Аб гэтым распавёў кс. Тадэвуш Дабравольскі SDS.

16 верасня Каталіцкі Касцёл адзначае ўспамін свв. мучанікаў Карнэлія і Кіпрыяна. Карнэлій нарадзіўся ў Рыме, быў абраны Папам у сакавіку 251 г. Ён паслядоўна адстойваў магчымасць пакаяння і вяртання ў Касцёл хрысціянаў, якія адышлі ад веры падчас пераследу.

Ксёндз Юзаф Станеўскі кіруе Вышэйшай духоўнай семінарыяй у Гродне ўжо 7 гадоў. З нагоды пачатку новага навучальнага года ў семінарыі карэспандэнт Grodnensis.by размаўляла з рэктарам каталіцкай навучальнай установы пра пакліканне маладых людзей, пра тое, чаму ў семінарыі не можа быць конкурсу на паступленне, ці цяжка там вучыцца, а таксама пра тое, чаму ў дзевяностых гадах у семінарыю прыходзіла больш людзей, чым сёння.

Пра значэнне хрысціянскіх фільмаў, пра тое, да чаго імкнуцца іх стваральнікі, і аб тым, як рэлігійнае кіно можа змяніць чалавека, распавядае Алег Вінярскі, дыктар Беларускага радыё і тэлебачання, радыёрэжысёр. Алег Вінярскі з’яўляецца пастаянным членам журы Міжнароднага каталіцкага фестывалю хрысціянскіх фільмаў і тэлепраграм «Magnificat», а таксама агучвае замежныя фільмы, прадстаўленыя на конкурс.

Пра ролю хрысціянскіх фестываляў і кіно, аб кінапраектах, якія рэалізуюцца ў межах сярэдняй школы Калужскай вобласці, і пра тое, як фільмы могуць «працаваць» распавядае манахіня Сафія (Ішчэнка), педагог па адукацыі, прэзідэнт Міжнароднага Срэценскага праваслаўнага кінафестывалю «Встреча».

Ці магчыма зняць фільм пра цуды? Элізабэта Кастанья (Італія), аўтар сцэнарыя і рэжысёр фільма «Таямніцы Меджугор’я», рэалізавала гэта ўжо ў другі раз. У 2010 годзе Кастанья прадставіла на фестывалі «Magnificat» фільм пра Фаціму, а на наступны год плануе прывезці фільм пра Маці Божую з Чывітавеккьі. Такім чынам, гэтыя тры стужкі стануць трыпціхам духоўнага пошуку Элізабэты Кастаньі.

Малады чалавек, прыкаваны да ложка больш 15 гадоў, з іх — 8 гадоў жанаты, які захацеў скокнуць з парашутам, стаў героем фільма «Да неба тры кіламетры». Пра ідэю стварэння фільма ў інтэрв’ю Catholic.by распавяла рэжысёр-дакументаліст Вольга Дашук. Стужка была прадстаўлена ў конкурснай праграме VII Міжнароднага каталіцкага фестывалю хрысціянскіх фільмаў і тэлепраграм «Magnificat».

8 верасня адзначаецца Міжнародны дзень пісьменнасці. Свята ўзнікла ў 1966 г. па ініцыятыве ЮНЭСКА з мэтай узмоцніць намаганні грамадства па распаўсюджванні пісьменнасці.

8 верасня Каталіцкі Касцёл адзначае свята Нараджэння Найсвяцейшай Панны Марыі. Шматлікія касцёлы ў Беларусі маюць тытул Нараджэння Панны Марыі, сярод іх святыні ў Заслаўі, Барысаве, санктуарый у Браславе. З нагоды свята ў гэтых святынях адбудуцца адпустовыя набажэнствы.

1 верасня ў некаторых краінах СНД, у тым ліку і ў Беларусі, адзначаецца дзень ведаў. Менавіта ў гэты дзень вучні і студэнты распачынаюць вучобу пасля летніх канікул.