Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Ці ўдзяляць святую Камунію Прэзідэнту?
Публіцыстычная старонка Аляксандра Гелагаева
31.07.2015 13:25

Што рабіць святару, калі ён убачыць, што ў яго касцёле на Імшы прысутнічае Прэзідэнт, які падтрымаў закон, несумяшчальны з хрысціянскай этыкай, і мае намер прыступіць да святой Камуніі?

Прэзідэнт Польшчы Браніслаў Камароўскі падтрымаў закон пра дазвол апладнення  in vitro (ЭКА), то бок "у прабірцы".

Згодна з вучэннем Каталіцкага Касцёла і Праваслаўнай Царквы, такія аперацыі супярэчаць прыродзе шлюбу, бо раз'ядноўваюць сужэнцаў (з-за выкарыстання спермы ці яйцаклетак трэціх асобаў) і прыводзяць да знішчэння часткі зачатых дзяцей.

Польскі часопіс Gosc.pl пагутарыў на гэтую тэму з кс. праф. Войцехам Гаральскім з універсітэта кардынала Стэфана Вышыньскага.

— Галасаванне за закон, які дазваляе in vitro, і яго падпісанне прэзідэнтам  гэта цяжкі публічны грэх,  адзначае ксёндз прафесар.  У гэтай сітуацыі мы маем абавязак нагадваць тым, якія падтрымалі in vitro, што яны не могуць прыступаць да святой Камуніі.

— Гэта можа зрабіць таксама святар перад святой Імшой, бачачы, што асоба, якая публічна падтрымала in vitro і не змяніла сваіх поглядаў і трывае ў цяжкім граху, жадае прыступіць да святой Камуніі,  кажа святар.

— Падставовая ўмова, каб зноў магчы прыступіць да святой Камуніі,  гэта прыступіць да сакрамэнту паяднання,  дадае кс. Гаральскі.  А ўмова добрай споведзі  жаль за грахі, пастанаўленне выправіцца, выпраўленне крыўды Богу і бліжняму. Павінна быць упэўненасць, што чалавек змяніў сваю паставу, прызнаўся ў памылках. Спавяднік можа ўказаць розныя формы выпраўлення шкодаў, якія вынікаюць з цяжкага граху.

— Ідэальна было б, калі б такі чалавек публічна паведаміў, што зрабіў памылку, прагаласаваўшы за in vitro, ці, у выпадку прэзідэнта, падпісаўшы закон, адзначае святар.  Форма выпраўлення крыўды і жаданне выправіцца павінна даваць упэўненасць, што такі чалавек шчыра шкадуе, змяніў погляды і больш так бы не паступіў.

Закон пра in vitro (ЭКА) апладненне быў прыняты таксама Парламентам Рэспублікі Беларусь і падпісаны Прэзідэнтам у 2011 годзе.

Аляксандр Гелагаеў паводле Gosc.pl.

 

Пры выкарыстанні матэрыялаў сайта спасылка на Catholic.By абавязкова.

Публіцыстычная старонка Аляксандра Гелагаева

06.03 12:06Навіна пра пахаванні дзяцей у каталіцкім прытулку Ірландыі — маніпуляцыя. Чаму важна правяраць інфармацыю?
02.09 10:0010 цытат пра Маці Тэрэзу ад людзей, якія з ёй сустракаліся
10.08 09:00Татуіроўкі, Стары Запавет і хрысціянскі розум. Ці варта католікам рабіць тату?
02.08 13:32Тры прычыны, чаму «Вікінгі» — самы цікавы тэлесерыял для верніка
28.06 09:00Мастацтва публічнай палемікі і святы Тамаш Аквінскі
20.06 10:00Конрад Адэнаўэр: католік, які стварыў дэмакратычную Германію
05.04 00:01Апостал хрысціянскага патрыятызму: благаслаўлёны кардынал Клеменс фон Гален
16.03 17:54Дзень cвятога Патрыка — свята радасці і хрысціянскага патрыятызму
27.01 00:00Еўропа і мігранты: паміж «Кёльнам» і добрым самаранінам
13.01 16:08Бацькоўства, адказнасць, гонар — каталіцкі біскуп з ЗША звярнуўся з кароткім фільмам да мужчын