З 4 па 6 жніўня пройдзе XVI пешая пілігрымка Гродна-Рось. Маршрут: Гродна — Квасоўка — Вялікія Эйсманты — Рэпля — Рось. Дэвіз сёлетняй пілігрымкі — «Праз Марыю да Езуса». 

Горад Рось (Гродзенская дыяцэзія), які знаходзіцца прыкладна ў 75 км ад Гродна, славіцца гістарычнай святыняй — санктуарыем Езуса Журботнага. У яе галоўным алтары знаходзіцца цудатворная 400-гадовая фігура Езуса Журботнага.

XVI пешая пілігрымка з Гродна ў санктуарый Езуса Журботнага ў Росі па традыцыі выйдзе з гродзенскай парафіі Беззаганнага Зачацця Найсвяцейшай Панны Марыі (Гродна-Паўднёвы, вул. Цэнтральная, 26). Святая Імша на распачацце пілігрымкі адбудзецца 4 жніўня ў 7.00.

Запіс у парафіі Беззаганнага Зачацця Найсвяцейшай Панны Марыі або па тэлефоне:
+375 (29) 784-05-72, +375 (44) 460-61-40 кс. Юрый Марціновіч

Арганізацыйная сустрэча для пілігрымаў — 2 жніўня ў 20.00 у касцёле Беззаганнага Зачацця Найсвяцейшай Панны Марыі ў Гродне.

Праграма пілігрымкі:

4 жніўня: Гродна-Паўднёвы — Вялікія Эйсманты

• 07.00 — святая Імша на распачацце пілігрымкі ў касцёле Беззаганнага Зачацця Найсвяцейшай Панны Марыі
• 20.10 — прыбыццё ў Вялікія Эйсманты, начлег

5 жніўня: Вялікія Эйсманты — Рось

• 07.40 — ранішнія малітвы ў парафіяльным касцёле ў Вялікіх Эйсмантах (адарацыя Найсвяцейшага Сакрамэнту)
• 17.15 — уваход у санктуарый, адкрыццё фігуры Езуса Журботнага
• 18.00 — святая Імша
• 21.00 — распачацце начнога чування.

6 жніўня: Рось

• 10.00 — урачыстая святая Імша на заканчэнне пілігрымкі

7 жніўня: Гродна-Паўднёвы

• 19.00 — святая Імша падзякі за ХVI пешую пілігрымку ў касцёле Беззаганнага Зачацця Найсвяцейшай Панны Марыі (Гродна-Паўднёвы)
• 20.00 — супольная вячэра, падзяка ўсім пілігрымам і службам пілігрымкi

У пілігрымку запрашаюцца ўсе жадаючыя.

(grodnensis.by/vgr)