Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Хрысцiянскi кiнаклуб «Рэха» ладзіць прагляд фільма пра святога Джузэпэ з Каперцiна
Анонсы
22.02.2017 14:17

Хрысцiянскi кiнаклуб «Рэха» ў межах цыкла «Сапраўдныя дзецi Божыя» ладзіць чарговы вечар кіно. На гэты раз гледачам будзе прадстаўлена неверагодная гiсторыя пра святога Джузэпэ з Каперцiна — фільм «Супраць волi святы». Прагляд адбудзецца 26 лютага ў касцёле Узвышэння Святога Крыжа на мінскай Кальварыі (Кальварыйскі праезд, 1). Пачатак у 19.00. Уваход вольны.

Фiльм быў зняты ў ЗША ў 1962 годзе рэжысёрам украiнскага паходжання Эдвардам Дзмiтрыкам.


У галоўнай ролi — знакамiты Максiмiльян Шэл. Цяжка паверыць, што ўсе гэтыя падзеi сапраўды адбылiся, але ўсё пацверджана дакументальна i сведкi заслугоўваюць даверу. Гэты вельмi светлы і добры фiльм запрашае задумацца пра святасць, пыху i пакору, а таксама пра неспасцiгальную таямнiцу Божай любовi i выбранасцi Богам.

(VGr)

 

Пры выкарыстанні матэрыялаў сайта спасылка на Catholic.By абавязкова.