З 8 па 14 жніўня «Музычная майстэрня» ў Івянцы запрашае загартавацца ў сваіх музычных талентах: спеве, ігры на музычных інструментах, дырыжыраванні.

Заняткі будуць праводзіць Ян Паспяшальскі, Зоф’я Сакалоўская і запрошаныя музыканты з Польшчы. На заканчэнне ўдзельнікі прадставяць свае дасягненні на канцэрце, які адбудзецца 13 жніўня. Змены ў арганізацыі «Музычнай майстэрні» звязаны з правядзеннем Сусветных дзён моладзі ў Кракаве.

Асаблівасці сёлетняй «Музычнай майстэрні»:

• пражыванне прадугледжана пры кляштары францішканаў і ў дамах парафіян. З сабой трэба мець карымат і спальны мяшок;
• для ўдзельнікаў прадугледжана харчаванне на працягу дня;
• лекцыі будуць перакладацца на беларускую мову;
• просьба ўзяць з сабой спеўнікі, нататнікі і музычныя інструменты, а таксама, па словах арганізатараў, «добрае пачуццё гумару»;
• удзел у «майстэрні» за дабравольную ахвяру.

Арганізатары запрашаюць усіх, хто ўмее спяваць, грае на музычных інструментах, а таксама тых, хто хоча раскрыць у сабе музычны талент.

Просьба паведаміць аб удзеле ў «Музычнай майстэрні» па тэлефоне або электроннай пошце:

+375 29 551 66 42 а. Лех Баханэк OFMConv
Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript .

Для рэгістрацыі трэба напісаць наступныя даныя:

• імя і прозвішча
• дату нараджэння
• месца і парафію, адкуль прыязджаеце
• нумар тэлефона (лепш мабільнага)
• ці патрэбна месца для начлегу

Таксама можна далучацца да суполкі «Музычнай майстэрні» Укантакце>>>
 

(AG)