6-10 ліпеня пройдзе XVII пешая пілігрымка Гродна–Тракелі. Сёлетні дэвіз пілігрымкі – “У дарозе навяртання да Марыі”.

Па дарозе традыцыйна запланаваны начлегі ў Азёрах, Астрыне, Забалаці і Пагародне.

Пілігрымка распачнецца 6 ліпеня святой Імшой у гродзенскім катэдральным касцёле св. Францішка Ксаверыя ў 9.00.

Галоўнай тэмай разважанняў у паломніцтве будуць 5 умоваў добрай споведзі.

Запісацца ў пілігрымку і атрымаць больш дакладную інфармацыю можна ў святароў горада Гродна.

(JM)