IX Нацыянальная пілігрымка сем’яў адбудзецца 12 верасня да Маці Божай Нястомнай Дапамогі ў касцёле Найсвяцейшага Адкупіцеля ў Гродне (Дзевятоўка).

Адпаведнае рашэнне было прынята падчас сустрэчы Рады па справах сям’і пры Канферэнцыі Каталіцкіх Біскупаў у Беларусі, якая прайшла 29 снежня ў Душпастырскім цэнтры ККББ.

IX Нацыянальная пілігрымка сем’яў пройдзе пад дэвізам «Любоў – нашае пакліканне. Сям'я, якая жыве ў паўнаце». Гэта дэвіз Сусветнай сустрэчы сем’яў з удзелам Папы Францішка, якая адбудзецца з 22 па 27 верасня ў Філадэльфіі (ЗША).

Праграма Нацыянальнай пілігрымкі сем’яў:

• 10.00 – рэгістрацыя ўдзельнікаў
• 10.30 – прывітанне ўдзельнікаў
• 11.00 – выстаўленне Найсвяцейшага Сакрамэнту і святы Ружанец
• 12.00 – урачыстая святая Імша і аднаўленне сужэнскіх абяцанняў
• 13.30 – абед
• 14.30 – канферэнцыя
• 15.00 – інсцэніроўка
• 15.30 – Вяночак да Божай Міласэрнасці
• 16.00 – заканчэнне  

(AG)