Беларусаў запрашаюць у пешую пілігрымку да Маці Божай Вастрабрамскай у Вільню

Анонсы

05.08.2014 11:39

З 16 па 25 жніўня будзе адбывацца XXII пешая экуменічная пілігрымка з Беластока ў санктуарый Маці Божай Вастрабрамскай у Вільню праз Гродна, у якую запрашаюцца і беларусы. 16 жніўня пілігрымка Беластоцкай архідыяцэзіі вырушыць з Беластока, а 18 жніўня прыбудзе ў Гродна, дзе пілігрымы будуць мець начлег. Вечаровая Імша для пілігрымаў адбудзецца ў 19.00 у касцёле Адшукання Святога Крыжа(пабернардынскім). 19 жніўня ў 7.00 у гэтым жа касцёле адбудзецца святая Імша, пасля якой пілігрымы вырушаць далей. У гэты ж дзень далучыцца да пілігрымкі запрашаюцца і пілігрымы з Беларусі. Завершыцца пілігрымка 25 жніўня святой Імшой у Віленскай катэдры ў 10.00. Удзел пілігрымаў з Беларусі бясплатны. Умовы ўдзелу ў пілігрымцы: паведаміць аб удзеле ў курыю Гродзенскай дыяцэзіі і мець пацвярджэнне ад пробашча аб магчымасці ўдзелу прытрымлівацца парадку пілігрымкі, якая перажываецца як «Рэкалекцыі ў дарозе» мець пры сабе неабходныя для пілігрымаў рэчы (цёплае адзенне на выпадак дажджу, спальны мяшок і г.д.) у сувязі з пераходам мяжы і прабываннем у Літве (22-25 жніўня 2014 г.) трэба мець шэнгенскую візу Для тых, хто візы яшчэ не мае, курыя Гродзенскай дыяцэзіі дапаможа ў яе атрыманні. У сувязі з гэтым да 26 ліпеня 2014 года ў курыю трэба падаць наступныя дакументы: пашпарт (мінімальны тэрмін дзеяння - тры месяцы перад датай вяртання з Вільнюса ў Беларусь) ксеракопіі апошніх старонак пашпарту для непаўналетніх трэба мець дазвол бацькоў з указаннем адказнай асобы, завераны ў натарыуса (арыгінал і ксеракопію) асабістыя дадзеныя: месца і адрас працы, вучобы, нумары тэлефона(працоўны і мабільны) адзін фотаздымак для дакументаў аплату за медыцынскую страхоўку — 5 € Па ўсіх пытаннях удзелу ў пілігрымцы і атрымання віз звяртацца ў курыю Гродзенскай дыяцэзіі. Адрас курыі: вул. К. Маркса, 4, 230025 Гродна, Беларусь. Тэл.: +375 (152) 74  00 73; факс: +375 (152) 75 64 55; e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript