Ініцыятарам выстаўкі стаў музей беларускай народнай культуры БДУ. Да ўвагі наведвальнікаў будуць прапанаваныя розныя выданні Бібліі, кнігі пра беларускіх святых і асноўныя хрысціянскія сакрамэнты.

Паводле інфармацыі БДУ, падчас адкрыцці выстаўкі ў 12.45 для гасцей будзе падрыхтавана сустрэча з членам праваслаўнай Беларускай біблейскай камісіі, загадчыкам кафедры славянскіх літаратур філалагічнага факультэта БДУ Іванам Чаротам. Дакладчык распавядзе пра асаблівасці і цяжкасці працы з біблейскімі тэкстамі і інш.

Падчас працы выстаўкі наведвальнікі змогуць паглядзець абразы Багародзіцы, якія часцей за ўсё прадстаўлены ў святынях Беларусі. Гэтыя абразы з’яўляюцца экспанатамі фонда музея беларускай народнай культуры БДУ. Выстаўка будзе працаваць да 20 красавіка.

Дадатковую інфармацыю можна атрымаць па тэлефоне: +375 29 650 98 51 (Ірына Валер’еўна Казакова)

 

(JLS)